Македонија ќе биде под влијание на стабилна и топла воздушна маса, која ќе услови сончево и потопло време со умерена локална облачност, особено во западните и југоисточните делови. Ќе дува слаб ветер, претежно од јужен правец. Утринската температура ќе се движи од 10 до 18 степени, а дневната највисока температура ќе биде во интервал од 30 до 37 степени. Во Скопје времето ќе биде сончево и потопло со умерена локална облачност и со слаб ветер од западен правец. Утринската температура ќе се спушти до 17 степени, а дневната највисока ќе достигне до 35 степени.
