Украинските власти ги отфрлија критиките на западните земји, упатени за апсењето на поранешната премиерка Јулија Тимошенко. Тимошенко беше притворена во петокот за непочитување на судот и попречување на судската постапка. Соединетите држави претходно ги повикаа властите во Украина да ја преиспитаат одлуката за апсење на поранешната премиерка. . Портпаролот на Стејт департментот Марк Тонер изјави дека украинските власти би требало да ја разгледаат можноста и за нејзино итно ослободување од притвор, бидејќи постојат сомневања дека станува збор за политички мотивиран процес.
