Србија кандидат за влез во ЕУ до крајот на 2011?

Српскиот министер за надворешни работи Вук Јеремиќ изјави во Прага дека се надева оти Србија до крајот на годината ќе добие статус на кандидат за членство во Европската унија, откако минатата недела го уапси последниот обвинет од Хашкиот трибунал за воени злосторства, Горан Хаџиќ. Јеремиќ се сретна со чешкиот министер за надворешни работи Карел Шварценберг, кој посочи дека патот на Србија кон ЕУ е долг и тежок, но извесен.