Зимските олимписки игри кои треба да се одржат во 2014-та во Русија, најверојатно ќе бидат најскапите во историјата, велат руските власти. Сергеј Павленко, шеф на руската Федерална служба за финансиски и буџетски надзор, вели дека за ЗОИ во Сочи, ќе се потрошат помеѓу 13 и 18 милијарди долари, поголемиот дел од тие пари треба да се обезбедат од страна на руските даночни обврзници. Според него високата сума се должи на прексапата изградба на инфраструктура потребна за одржување на олимписки игри, особено за спортските објекти и за патишта.
