Египетскиот премиер Есам Шараф ја прифати оставката на министерот за надворешни работи Мохамед Ел-Ораби, јави египетската државна телевизија. Шараф минатата недела вети реконструкција на Владата откако граѓаните на Египет продолжија со протести во центарот на Каиро. Тие протестираа за да извршат притисок за побрзо спроведување на реформите и за брзо судење на поранешниот претседател Хосни Мубарак. Денеска се очекува Шараф да го објави својот нов кабинет .
