Мандатарот Никола Груевски до Собранието на Република Македонија ја достави владината програма и имињата на новите министри во новиот владин кабинет.
Во новиот владин состав вицепремиерските места од ВМРО-ДПМНЕ ги задржуваат Зоран Ставрески и Владимир Пешевски. Гордана Јанкулоска останува на чело на МВР, додека Министерството за култура и понатаму ќе го води Елизабета Канческа-Милевска.
Никола Попоски, досегашниот амбасадор во ЕУ, ќе раководи со македонската дипломатија, Никола Тодоров ќе раководи со Министерството за здравство, а нов министер за образование и наука од редовите на ВМРО-ДПМНЕ е Панче Кралев. Министер за администрација и информатичко општество останува Иво Ивановски, како и Миле Јанакиески, кој ќе го води Министерството за транспорт и врски.
Министерството за земјоделство и во овој состав и припадна на Социјалистичката партија и ќе продолжи да го води Љупчо Димовски. Министер за труд и социјална политика ќе биде Спиро Ристески, кој досега беше заменик-министер во овој ресор.
Од редовите на коалицискиот партнер ДУИ има двајца вицепремиери - за европска интеграција е Теута Арифи, а за спроведување на Рамковниот договор - Муса Џафери. Валон Сарачини ќе го води ресорот економија, а досегашниот министер Фатмир Бесими преминува на чело на Министерството за одбрана.
Екологија ќе ја води Абдулаќим Адеми, локалната самоуправа Невзат Бејта, а министер за правда ќе биде Блерим Беџети.
Министри без ресор остануваат Неждет Мустафа, Хади Незир и Веле Самак.
Од синоќа почнува да тече 10-дневниот период предвиден со закон за гласање во Парламентот. Претседателот на Собранието Трајко Вељаноски се уште не донел одлука кога ќе ја закаже седницата за избор на нова влада.
Во новиот владин состав вицепремиерските места од ВМРО-ДПМНЕ ги задржуваат Зоран Ставрески и Владимир Пешевски. Гордана Јанкулоска останува на чело на МВР, додека Министерството за култура и понатаму ќе го води Елизабета Канческа-Милевска.
Никола Попоски, досегашниот амбасадор во ЕУ, ќе раководи со македонската дипломатија, Никола Тодоров ќе раководи со Министерството за здравство, а нов министер за образование и наука од редовите на ВМРО-ДПМНЕ е Панче Кралев. Министер за администрација и информатичко општество останува Иво Ивановски, како и Миле Јанакиески, кој ќе го води Министерството за транспорт и врски.
Министерството за земјоделство и во овој состав и припадна на Социјалистичката партија и ќе продолжи да го води Љупчо Димовски. Министер за труд и социјална политика ќе биде Спиро Ристески, кој досега беше заменик-министер во овој ресор.
Од редовите на коалицискиот партнер ДУИ има двајца вицепремиери - за европска интеграција е Теута Арифи, а за спроведување на Рамковниот договор - Муса Џафери. Валон Сарачини ќе го води ресорот економија, а досегашниот министер Фатмир Бесими преминува на чело на Министерството за одбрана.
Екологија ќе ја води Абдулаќим Адеми, локалната самоуправа Невзат Бејта, а министер за правда ќе биде Блерим Беџети.
Министри без ресор остануваат Неждет Мустафа, Хади Незир и Веле Самак.
Од синоќа почнува да тече 10-дневниот период предвиден со закон за гласање во Парламентот. Претседателот на Собранието Трајко Вељаноски се уште не донел одлука кога ќе ја закаже седницата за избор на нова влада.