Министерот за надворешни работи Антонио Милошоски денеска имаше проштална средба со амбасадорот на Соединетите Американски Држави во Македонија, Филип Рикер. Милошоски изразил благодарност за залагањето и придонесот на Рикер во унапредувањето на билатералните односи. Амбасадорот Рикер изразил задоволство од постигнатиот успех во унапредувањето на билатералните односи меѓу двете земји. Тој ја потврдил неговата определба и интерес и во иднина да остане активно посветен на прашањата од регионот, преку своите ангажмани на фунцијата заменик помошник државен секретар во американскиот Стејт Департмент, надлежен за Јужна и Централна Европа, се наведува во соопштението од МНР
