Хоџај-Балканот да се сврти кон европската визија

Министерот за надворешни работи на Косово, Енвер Хоџај денеска го повика претседателот на Србија, Борис Тадиќ позитивните чекори што ги направи кон Босна и Херцеговина и кон Хрватска, да ги направи кон Косово. Мораме да бидеме свесни дека изгубивме 20 години и не треба да изгубиме уште 20 за да дојдеме до европската цел. Дел од таа цел е помирување меѓу сите народи на некогашна Југославија, изјави Хоџај. Тој оцени дека дијалогот меѓу Приштина и Белград преставува добар чекор и оти е создаден позитивен елан во двете средини. Хоџај повика целиот регион да го следи примерот на Хрватска, која за шест години ги исполни сите критериуми на ЕУ и и понуди на народот добра перспектива. Луѓето во Србија, во Косово, во БиХ, во Македонија и во Албанија имаат право тоа да го очекуваат од своите политичари. Јас ги повикувам да го променат правецот и реториката и повеќе да ја промовираат европската визија.