Банкротот на Грција е неизбежен, а вчерашното намалување на нејзиниот кредитен рејтинг од страна на меѓународната рејтинг агенција „Фич“ го одразува расположението на пазарите, оценува американската економска агенција „Блумберг“. За факторите на меѓународните финансиски пазари банкротот на Грција е се друго, но не и нешто непознато, наведува „Блумберг“. Инвестициските фондови сметаат дека Грција не може да се справи со дел од буџетскиот дефицит и за тој дел ќе прогласи банкрот.
