Шеснаесет затвореници биле убиени во неделата при обидот да избегаат од затвор од Казахстан, соопштија тамошните власти. Затворениците се убиени за време на престрелката со затворските чувари, а потоа одекнала и голема експлозија. Затворот кој се наоѓа во градот Балкаш изминатите неколку години е центар на насилства. Затворскиот систем во земјата се најде под критика од Европската Унија, дека ги крши човековите права.