Денеска се одбележува Светскиот ден на населението. Обединетите нации денеска покренуваат кампања наречена Седум милијарди акции со оглед на пресметките дека на 31 октомври годинава светското насление ќе достигне седум милијради жители. Во пораката по повод овој ден, меѓу другото се наведува: ,,Заедно, можеме да исковаме иднина за младите, да ги унапредиме правата на девојките и жените и да ги сочуваме природните ресурси од кои сите зависиме. Заштитата на репродуктивното здравје и права е суштинска за нашата колективна иднина и одржлив развој. Заедно можеме да ја спречиме смртта на илјада жени кои секој ден умираат поради компликации од бременоста и породувањето.,,
