Најмалку осум лица загинаа утрово при серија експлозии во поморска база на Националната гарда на Кипар во близина на Лимасол. Според првичните информации од полициски извори, експлозиите најверојатно биле предизвикани од пожар што зафатил 98 контејнери со барут. Од базата се издига црн чад поради што е намалена видливоста во тој реон, а полицијата го затвори за сообраќај стариот пат меѓу Никозија и Лимасол.
