Македонија и Хрватска го парафираа договорот за екстрадиција

Македонија и Хрватска денеска го парафираа договорот за екстрадиција на сопствени државјани, што ќе овозможи поефикасна борба против организираниот криминал, корупцијата и перењето пари. По парафирањето, како што изјави министерот за правда Михајло Маневски, договорот ќе биде доставен до владите на Македонија и Хрватска, а по ратификацијата во парламентите тој влегува во правна сила. Маневски информира дека продолжуваат разговорите на работните групи со Министерството за правда на Црна Гора за склучување договор за екстрадиција и дека е завршена работата на работните групи за склучување договор за екстрадиција со Србија.