Турскиот премиер Реџеп Тајип Ердоган денеска до шефот на државата Абдула Ѓул го доставил списокот со 25 кандидати за министри во неговиот нов владин кабинет. Дел од министрите во досегашната Влада на Ердоган. ќе бидат членови и на новиот кабинет, но некои од нив ќе раководат со нови ресори. Идната влада ќе има четворица вице-премиери. Досегашниот шеф на дипломатијата Ахмет Давутоглу ќе ја задржи истата функцоја и во новата влада. Досегашните функции ги задржуваат и министрите за финансии, за правда, за култура и туризам, и за енергетика и природни ресурси.
