Од Владата во Швајцарија соопштуваат дека замрзнале сметки на високи сиријски преставници. На замрзнатите сметки имало околу 22 милиони евра. Портпаролката на секретаријатот за економски прашања потврдила дека замрзнувањето на сметките е санкција која земјата ја воведува кон претседателот на Сирија Башар ал Асад и на уште 22 високи преставници на сиријскиот режим. Претходно Швајцарија ги замрзна и сметките на либискиот лидер Гадафи и на неговите соработници, на египетскиот претседател Хосни Мубарак и на неговите блиски луѓе, како и на тунискиот претседател Бен Али.
