Тенкови на сиријската армија се распоредени на влезовите на градот Хама, два дена откако во градот беше организиран еден од најголемите протести против претседателот Башар ал-Асад. Активистите за човекови права велат дека десетици луѓе се уапсени во Хама и дека властите решиле воено да го совладаат градот. Вчера претседателот го разреши и градоначалникот на Хама, за да ги задуши протестите.