Речиси 80 илјади работници денеска излегоа на улиците на Варшава, бучно во придружба нa вувузeли да им порaчаат на полските но и на европските власти дека политиката што ја водат паѓа на работничките плеќи. Полска утре го превзема претседавањето со ЕУ. Протестот организиран од синдикатот Солидарност се одвиваше под слоганот „Политката ваша, бедата наша“. Работниците во Полска бараат поголема минимална плата, односна таа да изнесува 400 евра, да се намалат акцизите за горивата, поголема социјална помош и повеќе пари да се одвојат за прокти за вработување.
