Руската полиција уапсила повеќе од десетина активисти за човекови права кои учествувале во геј митинг за време на викендот. Во полиција кратко бил задржан и водечкиот активист за правата на геј популацијата Николеи Алексиев. Групата од околу 15 луѓе, меѓу кои и активисти од Украина и Белорусија, протестирале вчера во Санкт Петербург . Вчерашниот протест беше одржан во знак на солидарност со геј парадите што се одржаа во градовите низ Европа, еден ден откако Њујорк стана шестата американска држава во која се легализираа хомосексуалните бракови. Властите не им дозволуваат на активистите за човекови права да одржат протест во Русија .