Претставникот на ОБСЕ за Слобода на медиумите изрази загриженост за резолуцијата усвоена од страна на парламентот на Киргистан со која се повикува да се забранат интернет страниците со вести. Преставничката на ОБСЕ Дуња Мијатовиќ изјави дека забраната може да го ограничи медиумскиот плурализам во земјата. Парламентот резолуцијата ја усвои минатата недела, со образложение дека некои страници ја распалуваат етничката омраза меѓу Узбеците и Киригизите.
