Во јавните средни училишта во Македонија денеска почнува првиот, јунски уписен рок. Полуматурантите денеска и утре ќе се запишуваат во прва година средно образование во учебната 2011/2012 година. Согласно објавениот Конкурс, има 35.394 слободни места. Од нив, 11.730 места во гимназиите, 22.814 во стручните училишта, 578 во уметничкото образование и 272 во спортската гимназија „Методија Митевски-Брицо“ во Скопје. Конкурсот нуди над 10.000 места повеќе од вкупниот број завршени осмоодделенци (25.152 според податоците на МОН), со што тие имаат поголема можност за избор и професионална ориентација.
На пријавувањето за упис учениците треба да поднесат пријава за запишување, која се подигнува од училиштето, оригинални свидетелства од петто до осмо одделение и извод од матичната книга на родените (без оглед на датумот на издавањето).
Резултатите од запишувањето и слободните места ќе бидат објавени на 21 јуни.
На пријавувањето за упис учениците треба да поднесат пријава за запишување, која се подигнува од училиштето, оригинални свидетелства од петто до осмо одделение и извод од матичната книга на родените (без оглед на датумот на издавањето).
Резултатите од запишувањето и слободните места ќе бидат објавени на 21 јуни.