Министерот за надворешни работи Антонио Милошоски денеска се срeтна со шефот на Набљудувачката мисија на ОБСЕ/ОДИХР, Џулиан Пил Јејтс, соопштуваат од МНР. Милошоски изјавил дека дадените оценки на ОДИХР за изборите, претставуваат дополнителен поттик во напорите за забрзана интеграција на Македонија во ЕУ и НАТО. Јејтс истакнал дека овие избори беа организирани во фер и демократска атмосфера и во согласност со меѓународно признатите стандарди. Конечниот извештај за изборите ќе биде доставен на крајот на септември.
