Комитетот за оружени сили на американскиот Сенат ја прифати кандидатурата на Леон Панета за нов секретар за одбрана. Како што јави Асошиетед прес, комитетот едногласно го поддржал Панета и се очекува дека одлуката на Сенатот ќе биде брза. Панета моментално ја извршува функцијата директор на ЦИА, а на местото секретар за одбрана ќе го замени Роберт Гејтс, кој на 30 јуни поднесува оставка, по 4 години на таа должност.