Министерот за надворешни работи Антонио Милошоски поднел иницијатива една улица во Скопје да го носи името на поранешниот државен секретар на САД Лоренс Иглбергер, кој почина неодамна, соопштуваат од МНР. Во соопштението се наведува дека секретарот Иглбергер, ќе остане во сеќавање како голем познавач на регион, но и како исклучителна личност и еден од најголемите пријатели на Македонија, кој, придонел за политичка, економска и културна соработка помеѓу Македонија и САД.
