Во Охрид денеска ќе почне дводневна Регионална конференција на единиците за внатрешна контрола од полициските служби на земјите од регионот. Oрганизатори на настанот се македонското МВР, Мисијата на ОБСЕ и Програмата ИЦИТАП при Амбасадата на САД во Македонија. Конференцијата е посветена на методологиите за докажување на корупцијата и соработката на службите за внатрешна контрола од регионот за нејзино спречување. На конференцијата ќе присуствуваат претставници од Албанија, Босна и Херцеговина, Бугарија, Романија, Србија, Словенија, Турција, Хрватска и Црна Гора.