Министерот за одбрана на РМ Зоран Коњановски денеска во Брисел ќе присуствува на Состанокот на министрите за одбрана на земјите учеснички во Мисијата ИСАФ во Авганистан. Темите на овој редовен формален собир ќе бидат натамошната реформа на Алијансата, моменталните сојузнички операции во Либија и во Авганистан, соработката меѓу НАТО и Русија, како и расправата за можностите за мултинационален пристап во изградбата на одбранбените способности на земјите членки.
