Во Охрид денеска почнува петтата Конференција на началниците на генералштабовите на армиите од балканските земји. На овој собир покрај домаќинот, началникот на Генералштабот на АРМ генерал-потполковник Мирослав Стојановски, ќе учествуваат и високи претставници на оружените сили на Албанија, Босна и Херцеговина, Бугарија, Грција, Романија, Србија, Турција и на Црна Гора. Како гости меѓу другите ќе присуствуваат и заменик претседавачот на Воениот комитет на НАТО генерал-потполковник Валтер Гаскин, командантот на Здружената команда на НАТО во Неапол, адмирал Самуел Локлиер и заменик директорот за планирање на командата на силите на САД во Европа, Мајкл Рајан. Во фокусот на оваа конференција се очекува да биде зајакнувањето на соработката на полето на обуката и вежбите, јакнењето на добрите меѓусоседски односи, како и продолжување на започнатите процеси за заемно справување со современите безбедносни предизвици, иницирани на претходните конференции.
На отворањето на 5-та конференција на началниците на генералштабови од Балканот, како што е најавено, ќе присуствува и претседателот на Република Македонија и Врховен командант на оружените сили Ѓорге Иванов, кој ќе има обраќање пред учесниците.
На отворањето на 5-та конференција на началниците на генералштабови од Балканот, како што е најавено, ќе присуствува и претседателот на Република Македонија и Врховен командант на оружените сили Ѓорге Иванов, кој ќе има обраќање пред учесниците.