Генералниот секретар на ОН Бан Ки Мун објави денеска дека ќе побара и втор петгодишен мандат за шеф на Обединетите нации. Тој изјави дека испратил писма до земјите-членки на ОН со предлог да го прифатат и за втор мандат. Бан Ки Мун е поранешен министер за надворешни работи на Јужна Кореја. Тој е на чело на ОН од 1 јануари 2007 година, а неговиот мандат завршува на 31 декември оваа година.
