Главниот обвинител на Хашкиот трибунал Серж Брамерц во говорот пред Советот за безбедност на ОН им се заблагодари на властите во Србија за апсењето на хашкиот бегалец Ратко Младиќ, и нагласи дека очекува да биде уапсен и последниот бегалец Горан Хаџиќ. Апсењето на Младиќ е еден од најзначајните случувања за Трибуналот, за меѓународната правда и за жртвите. Брамерц очекува од властите во Белград да истржат како е возможно Младиќ да се криел 16 години и да ги казнат оние кои му помогнале во тоа.