Лидерот на Националната Демократска Преродба, Руфи Османи изборниот процес го оцени како фер и демократски, но посочи дека за време на изборната кампања се вршел притисок врз гласачите, имало лажни ветувања, купувања гласови. Според него Албанците печалбари се двојни губитници , затоа што тие немале можност да гласаат таму кај што привремено престојуваат, а ниту биле во својот роден крај за време на изборите. Сето тоа допринело според него Албанците да изгубат тројца пратеници во дијаспората и петтмина во земјата. Тој им честита на победничките партии и порача да ги одржат ветувањата што ги дале.
