Папата повика во одбрана на традиционалното семејство

Папата Бенедикт Шеснаесетти денеска отслужи миса пред десетици илјади луѓе во главниот град на Хрватска, Загреб. За време на својата проповед, тој ги повика католиците да бидат храбри во одбрана на традиционалното семејство. Папата го посети и гробот на кардиналот Алојзе Степинац, кој претходниот папа Јован Павле го беатифицираше во 1998 година. Овој потег е оспоруван од србите и евреите кои сметаат дека Степинац за време на Втората светска војна ги поддржувал нацистите. Вечерва папата ја завршува посетата на Хрватска.