Папата Бенедикт Шеснаесетти денеска на свечената миса на загребскиот хиподром по повод Националниот ден на хрватските католички семејства, ги поздрави и благослови на нивните јазици верниците од Македонија, Словенија, Србија, Унгарија, Албанија и Германија. Според проценките на мисата присуствувале околу 300 илјади верници. Со мисата на загребскиот хиподром поглаварот на Римокатоличката црква ја заврши дводневната посета на Хрватска.