Турција стави вето на кандидатурата на поранешната австриска министерка за надворешни работи Урсула Пласник за функцијата генерален секретар на Организацијата за безбедност и соработка во Европа . Несогласувањето на Турција со кандидатурата на Пласник е, пред се, поради нејзиното противење за членство на Анкара во ЕУ додека таа беше шеф на австриската дипломатија. Литванија, која е во улога на претседавач со ОБСЕ, на членките на организацијата им го испрати неформалниот предлог. Турција вчера стави вето на овој предлог, па речиси е исклучена можноста Литванија утре, како што е планирано, и формално да ја предложи Пласник за генерален секретар на ОБСЕ.