Главниот обвинител на Хашкиот трибунал Серж Брамерц ја откажа планираната посета на Њујорк поради екстрадицијата на Ратко Младиќ, изјави советникот на Брамерц, Фредерик Свинен. Брамерц требаше да има средби и консултации во Њујорк пред седницата на Советот за безбедност на Обединетите нации. Тој изјави дека во усниот извештај до Советот на 6 јуни, ќе го изрази своето задоволство поради апсењето на Младиќ, но додаде оти ќе констатира и дека имало многу пропусти.
