Денеска во Рим ќе биде одржана министерска конференција на ОН под наслов „Глобалното управување и реформа на Советот за безбедност на ОН“. Целта на овој собир е да се овозможи отворена размена на ставови за реформа и обид да се дојде до конструктивни и конкретни предлози за продолжување на меѓувладините преговори кои се одвиваат на пленарните заседанија на Генералното собрание на ОН во Њујорк. На конференцијата, на која ќе учествуваат претставници на повеќе од 100 држави, посебно ќе стане збор за регионалната застапеност во Советот за безбедност и предлозите за критериумите за членство во ова тело.
