Турската државна новинска агенција Анатолија објави дека курдски бунтовници нападнале полициска станица во градот Силопи во југоисточниот дел на земјата при што убиле двајца полицајци. Курдската работничка партија од 1984 година се бори за автономија на курдите во Турција и досега загинале над 40 илјади луѓе. Нејзиниот лидер Абдула Очалан кој е во затвор предупреди на интензивирање на насилството по парламентарните избори во Турција на 12 јуни, доколку властите не почнат преговори со курдите.