Медиумите во Египет јавија дека поранешниот министер за туризам бил осуден на пет години казна затвор, под обвинение за корупција. Зухеир Гаранах е вториот министер кој е осуден на затворска казна, откако претседателот Хосни Мубарак отстапи од функцијата. Минатата недела судот му изрече 12 години казна затвор на екс-министерот за внатрешни работи. Екс-претседателот, пак, кој се повлече на 11 февруари, моментално се наоѓа во болница во Шарм ел Шеик.
