Во Истанбул денеска почна конференцијата на 48 најсиромашни земји во светот. На собирот што ќе трае пет денови претседава генералниот секретар на Обединетите нации Бан Ки Мун, а на свеченото отворање присуствуваа и претседателот на Европската комисија Жозе Мануел Баросо и турскиот претседател Абдула Ѓул. Најавено е дека на конференцијата ќе учествуваат и претседателот на Авганистан Хамид Карзаи и иранскиот лидер Махмуд Ахмадинеџад. Последната слична конференција беше одржана пред десет години во Брисел.
