Република Македонија не ја доби визната либерализација како некаков подарок туку ја доби врз основа на конретно завршени задачи и резултати во сите реформски области; ќе направиме се што е во нашата моќ да не дозволиме оваа важна придобивка за македонските граѓани да биде на никаков начин загрозена, изјави денеска вицепремиерот за европски прашања Васко Наумовски. „Не верувам дека Република Македонија е една од државите на која ќе им биде укината визната либерализација затоа што како држава и како институции покажуваме дека континуирано сме способни да се справиме со сите предизвици кои ги носи овој процес односно да ги спречиме сите намери за злоупотреба на либерализацијата на визниот режим“ рече Наумовски
