Близу 45 проценти од хрватските избирачи го поддржуваат влезот на Хрватска во Европската унија, додека речиси 42 проценти се против, покажуваат резултатите од истражувањето на ЦРО - Демоскоп, спроведено на примерок од 1.300 испитаници. Ова истражување покажа дека поддршката за ЕУ, по пресудите на Анте готовина и Младен Маркач падна на најниското ниво во последните пет години и воедно дека е зголем бројот на оние кои се неодлучни околу пристапот на Хрватска во ЕУ, коментираат медиумите. Сега неодлучни се 13,6 отсто, што е најмногу последната година. Иако бројот на оние кои го поддржуваат влезот во ЕУ и натаму е поголем од оние кои се против, прашање е како во Хрватска би минал референдумот за Унијата доколку се одржува во овој момент, коментира хрватскиот интернет портал индекс.
