Цената на нафтата се намали за повеќе од 8 проценти, и сега се продава за помалку од 100 долари за барел. До падот на цената дојде по објавувањето на новите податоци кои фрлија сомнеж на заздравувањето на економијата од глобалната криза. Имено американското министерство за труд, соопшти дека стапката на невработеност е на највисоко ниво во последните осум месеци. На берзата во Њујорк, вчера, нафтата се продаваше по цена од 99,80 долари за барел.