Ирачкиот министер за надворешни работи Хошјар Зебари изјави дека убиството на водачот на Ал Каеда Осама Бин Ладен од страна на американските сили е удар врз моралот на следбениците на Бин Ладен. Во интервју за германскиот весник "Франкфуртер алгемајне цајтунг" Зебари вели дека Бин Ладен "е персонификација на злото", и дека психолошкиот ефект од неговата смрт врз неговите следбеници ќе биде голем. Зебари вели дека Ирачаните се среќни што Бин Ладен е убиен. Според него шефот на Ал Каеда го добил тоа што го заслужил.