Конструктивна средба во функција на зголемување на довербата и приближување на ставовите за отвореното билатерално прашање, оцени шефот на македонската дипломатија Антонио Милошоски по денешните тет-а-тет разговори на премиерите на Македонија и на Грција Никола Груевски и Јоргос Папандреу во Брисел. „Македонско-грчкиот дијалог за наметнатиот спор за нашето уставно име продолжува и понатаму. Сметаме дека е тоа најдобар начин - преку дијалог да се зголемува довербата и да се размислува истовремено на кој начин да се приближат позициите, а се со цел да создадеме услови да го решиме ова единствено билатерално прашање“ рече Милошоски. Тој не прецизира дали на средбата имало поместување и приближување на позициите, повторувајќи дека кај двете страни постои политичка волја за продолжување на дијалогот. Билатералниот спор меѓу Грција и Македонија за името, беше во фокусот и на состанокот што премиерот Груевски претходно го имаше со високиот преставник на ЕУ за надворешна и безбедносна политика Кетрин Ештон.
Милошоски: Средбата Груевски - Папандреу била конструктивна
Освен дека била конструктивна, за сега не се знае дали на средбата биле приближени ставовите на двете страни за билатералниот спор