Турскиот претседател Абдула Ѓул денеска го критикуваше „опортунизмот“ на некои држави, кои учествуваат во меѓународната интервенција врз Либија, наведувајќи дека нивното однесување предизвикува сомнежи во нивните вистински амбиции. „Дури и земји кои до вчера беа најблиски до тие диктатори и предизвикуваа незадоволство кај своите народи, денес одат до крајности“ додаде Ѓул. Поради тоа лидерот се сомнева во амбициите одредени држави за Либија, земја богата со нафта. Турција е против вмешувањето на НАТО во Либија и смета дека операцијата треба да остане иницијатива на Обединетите нации, која донесува одлуки.
