Пратениците во рамките на второто продолжение на 143 седница денеска го донесоа Законот за задолжување на Република Македонија со заем кај Европската банка за обнова и развој по Договорот за заем за Проектот за изградба на автопатот на Коридорот 10, на делницата Демир Капија - Смоквица. Заменик-министерот за финансии Недим Рамизи појасни дека овој проект, според подготвениот основен и изведбен проект изнесува околу 245 милиони евра и неговото финансирање ќе се врши од повеќе извори и тоа грант средства од Европска Унија преку ИПА, заем од Европската инвестициона банка, заем од Европската банка за обнова и развој (ЕБОР) и пари од Буџетот на Република Македонија.
