Стотици луѓе се собраа на протести во градот Јасем во југот на Сирија денеска. Демонстрантите изразуваат незадоволство од случувањата во градот Дара, каде едно лице загина во судирите меѓу народот и полицијата. Власта во Сирија денеска беше субјект на критики на организациите за човекови права. Сара Витсон, од меѓународната „Хјуман Рајтс Воч“ денеска ја обвини сиријската Влада за немање грижа на совест и стрелање на сопствениот народ кој сакал слободно да се изразува.