Владата на Република Македонија на вчерашната седница донесе одлука да се испрати парична помош во износ од 100 илјади евра како поддршка за настраданите во разурнувачкиот земјотрес и цунами брановите во Јапонија. Како што информираат од Владата, Министерството за надворешни работи е задолжено да продолжи со комуникација со Јапонската амбасада во Виена, која е одговорна за Македонија, за да се види потребата за евентуални видови и количини хуманитарна помош што би можело дополнително да бидат пратени.