Соединетите американски држави се огласија за настаните во Јемен. Портпаролот на Стејт департментот Филип Кроули рече дека САД се длабоко загрижени од извештаите за повредени и убиени демонстранти во изминатава недела во земјата. Во меѓувреме продолжуваат немирите во јеменскиот главен град Сана. Демонстрантите и понатаму протестираат против 30 годишното владеење на претседателот Али Абдула Салех, кој одбива да се повлече од лидерската позиција. Според последните извештаи, десетмина демонстранти биле повредени во денешните протести.
