ВМРО ДПМНЕ оцени дека појавувањето на Бранко Црвенковски на денешната прес конференција бил обид на лидерот на СДСМ да се извлече од ситуацијата, во која, како што е наведено во партиската реакција, сам се заплеткал себеси и со која сериозно им наштетил на интересите на граѓаните и на државата. ,,Се надеваме дека ова не е уште еден блеф и политички маневар на Црвенковски со кој ќе сака да направи се за да го стопира и наруши изборниот процес, во обид да ги пролонгира изборите само за да го одложи крајот на својата политичка кариера,, се наведува во реакцијата. Претходно Бранко Црвенковски изјави дека ја прифаќа поканата на лидерот на ВМРО ДПМНЕ Никола Груевски за билатерлана средба во идната недела посветена на сите отворени прашања во врска со изборите.