Македонија е подготвена во втората половина на годинава дополнително да упати сили кои ќе гарантираат успешна обука за авганистанските безбедносни сили, изјави министерот за одбрана Зоран Коњановски по денешниот состанок во Брисел на министрите за одбрана на НАТО и на земјите кои не се членки на Алијансата, но придонесуваат во мисијата ИСАФ. Министрите расправаа за планот за трансфер на одговорноста за безбедноста во земјата врз авганистанските владини сили.
