Република Македонија унилатерално се придружи кон рестриктивните мерки коишто Европската унија ги воведе кон Либија минатата недела. Со оваа одлука, Република Македонија дава конкретен придонес кон напорите на ЕУ и на пошироката меѓународна заедница за итен прекин на насилствата во Либија и за исполнување на легитимните барања на населението во оваа земја. Ова се посочува во соопштението објавено на веб страницата на македонското МНР.